UNEC-in əcnəbi doktorantı dissertasiya müdafiəsini uğurla tamamlayıb
UNEC-də doktorantura dərəcəsi üzrə təhsil alan Efiopiya Federativ Demokratik Respublikasının vətəndaşı Abrehet Mehari Gebreselassienin iqtisad üzrə fəlsəfə doktoru elmi dərəcəsi almaq üçün müdafiəsi keçirilib.
Qoşulmama Hərəkatına üzv dövlətlərin əcnəbi vətəndaşlarının Azərbaycan Respublikasının ali təhsil müəssisələrində təhsil alması üçün təhsil qrantı çərçivəsində UNEC-in doktorantı olan A.M.Gebreselassienin müdafiə mövzusu “Efiopiyada kiçik və orta müəssisələrin iqtisadi inteqrasiyası: Tiqray regionunda istehsal sektorunun təhlili nümunəsində” olub.
“Sahə iqtisadiyyatı” (ingilis dilində) ixtisasında təhsil alan A.M.Gebreselassienin dissertasiya müdafiəsi UNEC-in nəzdində fəaliyyət göstərən Dissertasiya Şurası tərəfindən müsbət qiymətləndirilib.
Şura üzvləri uğurlu müdafiəyə görə A.M. Gebreselassieni təbrik edərək, ona elmi fəaliyyətində uğurlar arzulayıblar.
*
https://news.unec.edu.az/xeber/105-telebe/10969-unec-in-ecnebi-doktoranti-dissertasiya-mudafiesini-ugurla-tamamlayib