UNEC-in növbəti informasiya turu: “Akkord Mərmər-Qranit MMC”
Azərbaycan Dövlət İqtisad Universitetinin (UNEC) müəllim və tələbələrinin korporativ sektora informasiya turları davam edir.
Oktyabrın 29-da universitetin müəllim və tələbələrinin “Akkord Mərmər-Qranit MMC”-yə növbəti tanışlıq turu təşkil olunub. Şirkətin rəhbərliyi UNEC nümayəndələrinə şirkətin tarixi və karyera imkanları barədə geniş məlumat verib və şirkətin beynəlxalq sərgilərdə təmsil olunan məhsullarının kolleksiyaları nümayiş etdirilib. Daha sonra nümayəndə heyətimüasir istehsal sahələri ilə tanış olublar.
Tədbirin sonunda müəllim və tələbələri maraqlandıran suallar cavablandırılıb və şirkətin xüsusi hədiyyələri təqdim edilib.
UNEC-də analoji turların təşkili tədris ilinin sonuna kimi davam etdiriləcək. Bu müddət ərzində müəllim-tələbə heyətinə digər nüfuzlu şirkətlərlə yaxından tanış olmaq imkanı yaradılacaq.