UNEC-in Rus İqtisadiyyat Məktəbində anım tədbiri keçirilib
Dekabrın 12-də Azərbaycan Dövlət İqtisad Univeristeti (UNEC) Rus İqtisadiyyat Məktəbində Tələbə Həmkarlar İttifaqı Komitəsinin təşkilatçılığı ilə Ulu Öndər Heydər Əliyevin anım gününə həsr olunan tədbir keçirilib.
Tədbir Azərbaycanın dövlət himninin səsləndirilməsi ilə başlayıb. UNEC-in Rus İqtisadiyyat məktəbinin direktoru, dosent Mənsur Bərxudarov Ulu Öndərin tarixi uzaqgörənliyə malik şəxsiyyət kimi müasir Azərbaycan dövlətinin qurulması istiqamətində atdığı addımlardan bəhs edib. Heydər Əliyevin elm, təhsil, mədəniyyət sahələrinin inkişafına göstərdiyi əvəzolunmaz xidmətlərdən, onun rəhbərliyi ilə gerçəkləşən genişmiqyaslı quruculuq proqramlarından danışıb. Tədbirdə Ulu Öndərin xatirəsi bir dəqiqəlik sükutla yad edildikdən sonra onun həyat və fəaliyyətinə həsr olunam film nümayiş etdirilib.
*
*
