UNEC-in tələbə və məzunlarına karyera imkanları barədə seminar keçilib
Oktyabrın 11-də Azərbaycan Dövlət İqtisad Universitetində (UNEC) Səbail rayon Məşğulluq Xidmətinin rəhbərliyi və əməkdaşları tələbə və məzunlar üçün seminar keçirib. UNEC-in Karyera Mərkəzinin təşkilatçılığı ilə həyata keçirilən seminarda UNEC-in Rus İqtisadiyyat Məktəbi, Maliyyə və mühasibatlıq, İqtisadiyyat, Texnologiya və dizayn, Distant, Qiyabi və Əlavə Təhsil Mərkəzinin bir qrup tələbələri, eləcə də UNEC məzunları iştirak edib.
Seminar zamanı tələbələrə CV yazma üsulları, müsahibədə davranış qaydaları və müsahibəyə psixoloji hazırlıq barədə məsləhətlər verilib. Səbail rayonunda yerləşən müəssisələrdə olan vakansiyalar və karyera imkanları da iştirakçıların diqqətinə çatdırılıb.
Tədbirin sonunda mövzu ilə əlaqədar tələbə və məzunları maraqlandıran suallar cavablandırılıb.
Qeyd: Seminar Azərbaycan Respublikası Əmək və Əhalinin Sosial Müdafiəsi Nazirliyi yanında Dövlət Məşğulluq Xidməti və Azərbaycan Dövlət İqtisad Universiteti (UNEC) arasında kadr potensialının gücləndirilməsi istiqamətində tədbirlərin həyata keçirilməsi haqqında Anlaşma Memorandumu çərçivəsində həyata keçirilib.