15 sentyabr, 2017
UNEC-in Zaqatala filialında“Bilik günü” münasibətilə tədbir keçirilib.
Filialın kollektivi öncə şəhərin Heydər Əliyev parkında ucaldılan Ulu Öndərin abidəsini ziyarət edərək, önünə gül dəstələri düzüblər, onun əziz xatirəsini yad ediblər.
“Bilik Günü”ndə filialın kollektivinə UNEC rektoru, professor Ədalət Muradovun müəllim və tələbələrə ünvanladığı təbriki səsləndirilib. UNEC kollektivini yeni tədris ili münasibətilə təbrik edən rektor onlara daha yüksək zirvələri fəth etməyi arzulayıb.
*
*
Filialın direktoru, professor Orucəli Rzayev və Zaqatala rayon icra hakimiyyətinin birinci müavini Tofiq Əhmədov “Bilik günü”ndə Prezident İlham Əliyevin təhsilə göstərdiyi diqqət və qayğıdan, təhsilin keyfiyyətini artırmaq üçün aparılan islahatlardan danışıblar. Ölkənin sosial-iqtisadi inkişafının sürətləndirilməsi üçün yüksək bilik və bacarığa malik, intellektual gənclərə daim ehtiyac olduğunu bildirərək tələbələrə təhsillərində uğurlar arzulayıblar.
Sonra UNEC-in Zaqatala filialına yüksək bal toplayaraq qəbul olan tələbələrə hədiyyələr təqdim edilib.