A qrupunda yer alan “UNEC United” komandası ilə “UNEC Beynəlxalq İqtisadiyyat FC” komandası arasında gərgin və maraqlı keçən oyun 11:3 hesabı ilə “UNEC United”nın qələbəsi ilə bitib. “UNEC United”i qalib edən qolların müəllifləri Nəsimi İsmayılov (4), Aqil Əhmədov (4) və Hikmət Babayev (3) olub. “UNEC Beynəlxalq İqtisadiyyat FC” komandasının qollarını isə Turan Süleymanov (2) və Altay İsmayılov (1) vurub.
Yarışda “UNEC Beynəlxalq İqtisadiyyat FC” komandasının üzvləri Seymur Əliyev hakimlə mübahisə etdiyi üçün, Turan Süleymanov isə topa əli ilə toxunduğu üçün sarı kartla cəzalandırılıb.
B qrupunda keçirilən növbəti oyun isə ciddi hesab fərqi ilə (21:1) yekunlaşıb. Rəqibi göz açmağa qoymayan “Finance-Accounting and SABAH” komandası “Business and Managment” komandasının qapısından 21 qol keçirərək, adını “UNEC Kuboku-2017”nin tarixinə yazıb. Tarixi qolların müəllifləri Gəray Musayev (7), Aqil Əzizov (7), Mübariz Bağırov (2), Azər Qarayev (2), Murad Ələkbərovdur (2). “Business and Managment” komandasının oyunçusu Azər Məmmədov 1 qol vura bilib. Elbrus Əkbərov isə 1 avtoqol ilə rəqib komandanın hesabını 21-ə yüksəldib.
Qalib komandalarımızı təbrik edirik!