UNEC müəllimləri Türkiyədə liderlik təhsili proqramında iştirak ediblər
Azərbaycan Dövlət İqtisad Universitetinin (UNEC) Maliyyə və mühasibat fakültəsinin dekan müavini Anar Hüseynov və Menecment kafedrasının müəllimi Mircavid Həsənov Türkiyənin Azərbaycandakı səfirliyinin dəstəyi ilə Türkiyə Elmi-Texniki Araşdırma Qurumu və Türkiyə Sənaye Menecmenti İnstitutunun təşkil etdiyi liderlik təhsili proqramında iştirak ediblər.
Liderlik Məktəbi Layihəsi çərçivəsində UNEC müəllimləri Hacettepe universitetində konfransda olublar, “Azərbaycan–Türkiyə iş birliyi” mövzusunda seminarları dinləyiblər. Hacettepe universitetinin texnoparkında yeni layihələrlə tanış olublar.
Türkiyə Xarici İşlər Nazirliyində və Türkiyə Böyük Millət Məclisində təşkil olunan tədbirlərdə iştirak edən universitet müəllimlərinə Türkiyənin xarici əlaqələri, beynəlxalq münasibətləri haqqında ətraflı məlumat verilib.
Proqramın sonunda UNEC müəllilərinə sertifikatlar təqdim olunub.