UNEC rektoru 1-ci kurs tələbələri ilə görüşlərə başladı
Azərbaycan Dövlət İqtisad Universitetinin (UNEC) rektoru, professor Ədalət Muradov universitetə yeni qəbul olan tələbələrlə görüşlərə başlayıb. Keçiriləcək görüşlərdə əsas məqsəd yeni qəbul olmuş tələbələrə universiteti daha yaxından tanıtmaq, həyata keçirilən layihələr barədə ətraflı məlumat vermək, tələbələri narahat edən məsələləri dinləmək və operativ həllinə nail olmaq, eyni zamanda birgə fikir mübadiləsi aparmaqdan ibarətdr.
Rektorun tələbələrlə görüşü universitetin bütün tədris binalarında təşkil ediləcək. Ə.Muradovun ilk görüşü Türk dünyası işlətmə fakültəsinin 1-ci kurs tələbələrilə keçirilib.
Tədbirdə 1-ci kurs tələbələrinə UNEC haqqında, universitetin hədəfləri və həyata keçirilən yeniliklər barədə məlumat verilib və tələbələrin sualları cavablandırılıb.