UNEC tələbələri beynəlxalq yay təcrübəsini uğurla başa vurublar
Azərbaycan Dövlət İqtisad Universitetinin (UNEC) tələbələri Rusiyanın “VTB 24” və “MБA–Moskva” banklarının Sankt-Peterburq filialında keçdikləri yay istehsalat təcrübəsini uğurla başa vurublar.
Tələbələr təcrübə zamanı banklardakı iş prosesi ilə yaxından tanış olmaqla yanaşı, yüksək təcrübi biliklər də əldə ediblər. Təcrübənin sonunda tələbələrə bankların beynəlxalq sertifikatları təqdim edilib.
Qeyd edək ki, UNEC MDB ölkələrinin ali məktəbləri arasında “VTB 24” və “MБA–Moskva” Bankının Sankt-Peterburq filialında təcrübəni təşkil edən yeganə universitetdir.
Təcrübəyə rəhbərlik və gündəlik nəzarəti Rusiya Federasiyasının və Azərbaycan Respublikasının iqtisad elmləri doktoru, “Maliyyə və maliyyə institutları” kafedrasının professoru Elnur Sadıqov həyata keçirib.
“VTB 24” və “MБA–Moskva” Bankının Sankt-Peterburq filialından UNEC tələbələri üçün növbəti tədris ilinin sonunda da təcrübə keçmək üçün razılıq əldə olunub.