UNEC Zaqatala filialında “İşğal altında olmuş torpaqlarda törədilən ekoloji terror” mövzusuna həsr olunmuş seminar keçirilmişdir
Giriş sözü ilə UNEC Zaqatala filialının Tədris və elm işləri üzrə direktor müavini dos. Həqiqət Qədimova “Azərbaycanda erməni separatçılarının törətdiyi ekoloji terrora qarşı mübarizə dövlətin əsas siyasəti kimi” mövzusunda geniş şəkildə ekoloji terrordan bəhs etmişdir. 1988-ci ildən başlayaraq ermənilərin və onlara havadarlıq edən qüvvələr tərəfindən Azərbaycana qarşı başlanan müharibə, torpaqlarımızın 30 ilə yaxın işğal altında qalması ilə nəticələnən, şəhər və kəndlərin dağıdılmasına, dinc əhalinin genosidinə və eyni zamanda, bitki və heyvanlar aləminin məhv edilməsinə səbəb olub. Həmçinin dos. Həqiqət Qədimova bildirdi ki, Azərbaycan Respublikasının Prezidenti cənab İlham Əliyevin qeyd etdiyi kimi, Ermənistan faktiki olaraq Azərbaycana qarşı ekoloji terror törədib. Biz o torpaqları yenidən həyata qaytarmalıyıq. Ölkəmizin ən gözəl və bərəkətli regionlarından biri Qarabağın perspektivləri Azərbaycanın davamlı inkişafı üçün çox vacib olacaq. Regionun bərpası ilə bağlı bizi çox böyük işlər gözləyir, fikirləri səsləndirdi.
İnzibati və təşkilati məsələlər üzrə direktor müavini dos. Xəyyam Cavadzadə qeyd etdi ki, Ermənistan 30 il ərzində işğal altında saxladığı ərazilərimizdə şəhər və kəndləri xarabalığa çevirmiş, meşə fondunu, abidələrimizi dağıtmışdır. Xəyyam müəllim Şuşa təsüratlarını bizimlə bölüşdü.
İMD-nin texniki, texnoloji bölmə rəhbəri dos. S.Razıyev: Azərbaycanda erməni separatçılarının törətdiyi ekoloji terrorun nəticələri və onların aradan qaldırılması yolları.
İMD-nin “İqtisadiyyat və idarəetmə” bölməsinin müəllimi dos. Arif Əzimov: Təbii ehtiyyatlarla bağlı problemlər, mövzularında çıxışlar etdilər.
Ermənistan tərəfindən Azərbaycana qarşı aparılan ekoloji terror aktları barədə seminar iştirakçılarına faktlar əsasında geniş məlumat verildi və video çarx izlənildi.
Ermənistanın yalnız Cənubi Qafqaz regionunda deyil, bütün bəşəriyyət üçün təhlükəli olan ekoloji terrorçu bir dövlət olması diqqətə çatdırıldı.
