Rafiq Şahniyar oğlu Verdiyev
1958-ci ildə Gədəbəy rayonunun Göyəlli kəndində anadan olub. 1965-ci ildə Göyəlli kənd 8-illik məktəbinin 1-ci sinfinə, 1973-cü ildə Çayrəsullu kənd orta məktəbin 9-cu sinfinə qəbul olunub. 1975-ci ildə həmin məktəbin 10-cu sinfini fərqlənmə ilə bitirib.
1976-1978-ci illərdə hərbi xidmətdə olub. 1979-cu ildə Azərbaycan Dövlət Pedaqoji İnstitutunun (indiki Azərbaycan Pedaqoji Universiteti) riyaziyyat fakültəsinin qiyabi şöbəsinə daxil olub, 1984-cü ildə müvəffəqiyyətlə bitirib.
1979-cu ildə Daxili İşlər Nazirliyinin Yanğından Mühafizə Xidmətində yanğınsöndürən vəzifəsinə işə qəbul olunub. 1991-1992-ci illərdə Daxili İşlər Nazirliyinin 3 N-li Hərbiləşdirilmiş Yanğından Mühafizə Dəstəsində şəxsi heyətlə iş üzrə müfəttiş, 1993-cü ildə 39 N-li Müstəqil Hərbiləşdirilmiş Yanğından Mühafizə Hissəsində şəxsi heyətlə iş üzrə rəis müavini, 1993-1995-ci illərdə Daxili İşlər Nazirliyinin Baş Dövlət Yanğın Təhlükəsizliyi İdarəsinin Dövlət Yanğın Nəzarəti Şöbəsində mühəndis və baş mühəndis vəzifələrində xidmət edib. 1996-cı ildə Daxili İşlər Nazirliyinin Bakı Yanğın-Texniki Məktəbində baş müəllim-metodist, 1997-ci ildən 2012-ci ilə qədər isə tədris şöbəsinin rəisi vəzifəsində işləyib.
*
2005-ci ildə Bakı Yanğın-Texniki Məktəbi Fövqəladə Hallar Nazirliyinin tərkibinə verilərək adı dəyişdirilərək Yanğın Texniki Kolleci adlandırılmışdır. Azərbaycan Respublikası Daxili İşlər Nazirliyinin 07 oktyabr 2004-cü il tarixli 2126 ş/h saylı əmri ilə “Dövlət Yanğın Təhlükəsizliyi Xidmətinin ən yaxşı əməkdaşı”, Azərbaycan Respublikası Fövqəladə Hallar Nazirliyinin 15 dekabr 2010-cu il tarixli 2920/ş №-li əmri ilə Azərbaycan Respublikası Fövqəladə Hallar Nazirliyinin “Xidmətə görə” döş nişanları ilə təltif olunub. 2012-ci ildə Fövqəladə Hallar Nazirliyinin xidmətkeçmə haqqında əsasnaməyə uyğun olaraq təqaüdə çıxıb, ehtiyatda olan polkovnik- leytenantdır.
2013-cü ildən Azərbaycan Dövlət İqtisad Unversitetində saathesabı və 2014-cü ildən isə tam ştatla Mülki Müdafiə kafedrasında, hal-hazırda isə Humanitar fənlər kafedrasında Mülki müdafiə müəllimi vəzifəsində çalışır.
Ailəlidir, iki övladı var.