“Avropa Avtobus Turu”nun nümayəndələri UNEC-in Zaqatala filialında
Avropa İttifaqının Azərbaycandakı nümayəndəliyinin Avropa İttifaqı “Avtobus turu 2017” layihəsi çərçivəsində “Avropa Avtobus Turu”nun nümayəndələri UNEC-in Zaqatala filialında olublar.
Filialın tələbələri ilə görüşən layihə nümayəndələri onlara Avropa İttifaqı, Avropa ölkələrinin mədəniyyəti haqqında məlumat verib, təhsil imkanlarından danışıblar. Kiçik və orta sahibkarlıq üçün marketinq, brendinq, qeyri və sosial media marketinqi mövzusunda ustad dərsləri təşkil ediblər. Avropa İttifaqının Azərbaycanla əlaqəsi haqqında ətraflı məlumat verilən tədbirdə gənclər üçün “Erasmus+”, “Avropanın Gənc Səfirləri” proqramlarının təqdimatları da təşkil olunub. Tələbələr biznes sirlərindən bəhs edən kitablar, Avropa İttifaqının fəaliyyətini özündə əks etdirən stend və rəsm sərgilərini maraqla qarşılayıblar.
VİDEO