8 startap komandası UNEC Startap İnkubatorun “İnkubator+” proqramına keçid alıb
26 DEKABR 2023 | VIEWS:
UNEC Startup İnkubator tərəfindən start verilən “BootSTART-2” proqramının ənənəvi “Pitch day” tədbiri keçirilib.
6 həftəlik intensiv “BootSTART-2” proqramında iştirak etmiş 20 startap komandası “Pitch day”də öz startaplarını münsiflər heyəti qarşısında təqdim ediblər. Münsiflərin dəyərləndirməsindən sonra 8 komanda – “Yoldash”, “Ganevo”, “Generation Z”, “HobyLoc”, “Way”, “TuringSec”, “Buqələmun”, “GreenFox” UNEC Startup İnkubatorun növbəti “İnkubator+” proqramına keçid alıb.
“İnkubator+” proqramında iştirak edəcək TOP 8 startap komandası ofis rezidentliyi, hostinq və server dəstəyi ilə təmin ediləcək. Bazara hazır məhsulu ən tez çıxara bilən 5 komanda isə ilkin toxum investisiya ilə təmin olunacaq.
*
https://news.unec.edu.az/xeber/105-telebe/11064-8-startap-komandasi-unec-startap-i-nkubatorun-i-nkubator-programina-kechid-alib