Dövlət Vergi Xidməti 2026-cı il Yay Təcrübə Proqramına qəbul elan edir
İqtisadiyyat Nazirliyi yanında Dövlət Vergi Xidməti tələbələrin bilik və bacarıqlarının inkişafına dəstək məqsədilə 2026-cı ilin yayında ali təhsil müəssisələrinin tələbələri üçün Yay Təcrübə Proqramı elan edir.
Proqram iki mərhələdən ibarətdir: 7 günlük yay düşərgəsi və 8 həftəlik iş yerində təcrübə. Yay düşərgəsi Dövlət Vergi Xidmətinin Şamaxı rayonunda yerləşən Tədris Mərkəzində, iş yerində təcrübə isə qurumun Bakı və regionlardakı struktur bölmələrində təşkil olunacaq.
Təcrübə proqramı 6 iyul-4 sentyabr 2026-cı il tarixlərini əhatə edəcək.
Proqramın üstünlükləri:
- Tələbələrin nəzəri biliklərini praktikada tətbiq etməsi və vergi orqanlarının fəaliyyəti ilə tanışlıq;
- İqtisadiyyat və vergi sahəsində praktiki biliklərin artırılması üçün təlimlərdə iştirak;
- İştirakçılara sertifikat verilməsi;
- Uğur qazanan namizədlərin dövlət vergi orqanlarında daimi işə qəbul üçün dəyərləndirilməsi.
Tələblər:
- Azərbaycan Respublikasının vətəndaşı olmalı;
- İqtisadiyyat, hüquq və ya idarəetmə ixtisasları üzrə bakalavriatın sonuncu kursunda və ya magistratura üzrə 1-ci və ya 2-ci kursda təhsil almalı;
- Payız semestri üzrə ÜOMG 80 baldan (və ya 4 ballıq sistemdə 3.0-dan) yuxarı olmalı.
Seçim mərhələləri:
- Sənədlərin ilkin yoxlanılması
- Video təqdimatların qiymətləndirilməsi
- Qrup tapşırıqları üzrə qiymətləndirmə
*
Müraciət qaydası:
Namizədlər 10 aprel 2026-10 may 2026 tarixlərində müraciətlərini [email protected] ünvanına göndərməlidirlər. Mövzu hissəsində “Yay Təcrübə Proqramı 2026” qeyd olunmalıdır. Şəxsiyyət vəsiqəsi, tələbə bileti və akademik transkript fayl şəklində əlavə edilməlidir.
Müraciətlər 10 iş günü ərzində yoxlanılacaq və nəticə barədə elektron poçt vasitəsilə məlumat veriləcək. Texniki problemlərlə bağlı 012-403-81-35 nömrəsi ilə əlaqə saxlamaq mümkündür.