ADİU əməkdaşı Türkiyədə keçirilən “Sözdə erməni soyqırımı” konfransında iştirak edib
Azərbaycan Dövlət İqtisad Universitetinin (ADİU) Beynəlxalq Münasibətlər kafedrasının müəllimi Pərviz Səmədov Balıkəsir Dövlət Universiteti və Çanaqqala18 Mart Universitetinin dəvəti ilə Türkiyədə səfərdə olub. P.Səmədov səfər çərçivəsində “Sözdə erməni soyqırımı” və Xocalı Soyqırımının 23-cü ildönümünə həsr edilmiş yürüş, mitinq və konfranslarda iştirak edib.
İstanbuldakı Kadıköy yürüşündən sonra təşkil edilən on minlərlə insanın iştirak etdiyi mitinqdə çıxış edən P.Səmədov bildirib ki, “əslində ermənilər bizə qarşı daim soyqırım edib. Bütün bunlara baxmayaraq,1918-ci ildə Ermənistan Respublikası bizim 33 inzibati rayonumuz və 15 mahalımız üzərində quruldu. Halbuki,1804-cü ildə indiki İrəvanın 4336 ailəsinin 3226 ailəsi türklərdən ibarət idi. Digər millətləri çıxdıqda, burada cəmi 1% erməni yaşayıb.Bunu ermənipərəst general Sisyanovun arxivdəki məktubundan da görə bilərik.1828-ci ildə Türkmənçay müqaviləsindən sonra buranın adını erməni vilayəti adlandırdılar”.
P.Səmədov Balıkəsir Universitetində və və 18 Mart Universitetində “Xocalı Soyqırımı və Erməni yalanı” mövzusunda təşkil olunan konfranslarda çıxış edib. Bildirib ki,ermənilər soyqırım deyə dünyanı aldadırlar. Ermənilərin şişirdilmiş rəqəmlərinə əsaslansaq belə,onların soyqırımına uğrayan türklərin sayı ən az 10 dəfə çoxdur.
P.Səmədovun çıxışı Türkiyə ictimaiyyəti tərəfindən maraqla qarşılanıb və yerli KİV orqanlarında işıqlandırılıb.