ADİU nümayəndələri TEMPUS (ESFIDIP) layihəsində iştirak edib

01 MAY 2015 | OXUNUB:
763

Azərbaycan Dövlət İqtisadi Universiteti (ADİU) Xəzər Universitetinin koordinatoru olduğu “Əlilliyi olan şəxslərin Azərbaycan ali təhsil müəssisələrinə inteqrasiyasının təməlinin qoyulması” TEMPUS (ESFIDIP) adlı layihəsində tərəfdaş qismində çıxış edib. Layihə çərçivəsində Azərbaycan Respublikasının Təhsil Nazirliyi, Əmək və Əhalinin Sosial Müdafiəsi Nazirliyinin nümayəndələrinin və Avropa tərəfdaşlarının iştirakı ilə görüş keçirilib. Tədbirdə ADİU-nu Ətraf mühitin mühafizəsi və iqtisadiyyatı kafedrasının laborantı Sevinc Sakmanlı və Beynəlxalq əlaqələr departamentinin əməkdaşı Gülşən Vəliyeva təmsil edib. ADİU nümayəndələri universitetdə layihə üzrə görülən işlər barədə və növbəti illərdə həyata keçiriləcək layihələr haqqında məlumat verib. Görüşdə həmçinin yerli tərəfdaş universitetlərdə yaradılacaq mərkəzlərin əsasnaməsi, təlimatı və layihənin növbəti il üçün fəaliyyət planı  müzakirə edilib.

764 2