Diasporla İş üzrə Dövlət Komitəsinin sədri Fuad Muradov UNEC-də olub

16 OKTYABR 2019 | OXUNUB:
64

Azərbaycan Respublikasının Diasporla İş üzrə Dövlət Komitəsinin sədri Fuad Muradov UNEC-də olub.

UNEC-in rektoru, professor Ədalət Muradov komitə sədrinə UNEC-də tətbiq olunan yeniliklər barədə məlumat verib.

Sonra Fuad Muradov 24/7 kitabxana, UNEC Ekstern, Radio UNEC və Elektron Universitet modeli ilə tanış olub. UNEC Eksternin fəaliyyətini xüsusi vurğulayan Fuad Muradov eyni anda 1000 tələbəyə, gün ərzində isə 20.000 tələbəyə distant təhsil vermək imkanını yüksək qiymətləndirib. O, dünyanın aparıcı universitetlərinin distant təhsil xidməti göstərdiyini bildirərək, Azərbaycanda distant təhsilin tətbiqinin vacibliyini vurğulayıb. Həm ölkə daxilindən, həm də xaricdən daha çox tələbənin ali təhsilə cəlb edilməsi baxımından distant təhsilin alternativsiz olduğunu qeyd edib.

Görüşdə UNEC-lə Diasporla İş üzrə Dövlət Komitəsi arasında qarşılıqlı əməkdaşlıq istiqamətində fikir mübadiləsi aparılıb.

<a href =”http://news.unec.edu.az/xeber/125-universitet/5741-diasporla-ish-uzre-dovlet-komitesinin-sedri-fuad-muradov-unec-de-olub“></a>

65 1