Mahir-Mirzeyev-3Mahir Sabir oğlu Mirzəyev 

17 fevral 1994-cü ildə Bakı şəhərində anadan olub. 36 saylı orta məktəbi bitirib, 2011-ci ildə 541 balla Azərbaycan Dövlət İqtisad Universitetinə qəbul olunub. 2015-ci ildə UNEC-in İqtisadiyyat fakültəsindən məzun olaraq, hərbi xidmətə yollanıb. Mahir 2016-cı ildə, aprel hadisələrində Tərtər rayonu istiqamətində gedən döyüşlərdə şəhid olub.

*

UNEC-in iki məzunu şəhid olub (11.04.2016)

Son günlər cəbhə xəttində baş verən hərbi əməliyyatlarda Azərbaycan Ordusunun şəhid olan əsgərləri arasında Azərbaycan Dövlət İqtisad Universitetinin məzunları da var.

1993-cü il təvəllüdlü Bakı şəhər sakini Dadaşov Tural Sabir oğlu 2015-ci ildə Kommersiya fakültəsindən məzun olub. Mirzəyev Mahir Sabir oğlu isə 2014-cü ildə İqtisadiyyat və sənaye fakültəsinin məzunu olub.

Şəhidlər aprelin 9-da torpağa tapşırılıb.

Vətən uğrunda gedən döyüşlərdə Şəhidlik zirvəsində ucalan məzunlarımızın ruhu qarşısında baş əyirik. Allah rəhmət eləsin!*

 *

Şəhid Mahir Mərzəyevin əziz xatirəsinə həsr olunur (VİDEO)

*

UNEC kollektivi şəhid məzunlarının məzarı başında (13.04.2016)

Azərbaycan Dövlət İqtisad Universitetinin (UNEC) rəhbərliyi, kollektivi və tələbələri son günlər cəbhə xəttində gedən döyüşlərdə qəhramancasına şəhid olan UNEC məzunlarının məzarını ziyarət ediblər.

Kommersiya fakültəsinin dekanı Mirağa Əhmədov 2015-ci ildə Kommersiya fakültəsindən məzun olan Tural Dadaşov haqqında danışaraq, onun nümunəvi tələbə olduğunu bildirib. Turalın təhsildə yüksək nəticələr göstərməsi ilə yanaşı, universitetin ictimai həyatında da fəal rol oynadığını diqqətə çatdırıb. 2014-cü ildə İqtisadiyyat və sənaye fakültəsindən məzun olan Mahir Mirzəyevlə bağlı xatirələrini dilə gətirərək, onun UNEC-ə yüksək balla qəbul olunduğunu bildirib. Mahirin vətənpərvərliyə aid bütün tədbirlərdə fəal iştirakından danışıb.

Şəhidlərin məzarı önünə əklillər qoyulüb, ruhlarına dualar oxunub.

UNEC kollektivi və tələbələr şəhid Tural Dadaşovun yaşadığı evə də gediblər. Şəhidin ailə üzvləri ilə görüşdə Vətənə layiqli övlad böyütdüyü üçün valideynlərinə təşəkkür edib, bu gün xalqın Tural kimi oğullarla qürur duyduğunu bildiriblər.

Allah rəhmət eləsin.

Mahir-Mirzeyev-1 - копияMahir-Mirzeyev-5 Mahir-Mirzeyev-4 Mahir Mirzeyev (4)Mahirmahir4018

UNEC şəhidlərini ehtiramla yad edir (17.02.2017)