UNEC-də Dünya Kitab və Müəllif Hüquqları Günü münasibətilə kitab sərgisi və yarmarkası təşkil edilib.
TEAS PRESS Nəşriyyat Evinin və UNEC-in birgə təşkilatçılığı ilə keçirilən sərginin məqsədi gənclərdə kitaba marağı daha da artırmaq, onlara mütaliəni sevdirmək, yeni və təkrar nəşrləri tanıtmaqdır.
TEAS PRESS Nəşriyyat Evi UNEC-in ölkədə dörd dildə təhsil verən yeganə ali təhsil ocağı olduğunu nəzərə alaraq, tələbələrə Azərbaycan, ingilis, türk və rus dillərində kitablar təqdim ediblər. TEAS PRESS və “3 alma” nəşriyyat evinin çap məhsulları nümayiş olunan sərgi-yarmarkaya UNEC-in professor-müəllim heyəti, əməkdaşlar, tələbə və magistrlər, eləcə də əcnəbi tələbələr böyük maraq göstəriblər.
Üç gün davam edəcək sərgi-yarmarka sabah da UNEC-in əsas tədris binasında təşkil ediləcək.