UNEC-də elmi seminar: Xidmət sferasında təşviqetmə fəaliyyətləri və səciyyəvi xüsusiyyətləri
Mayın 19-da Azərbaycan Dövlət İqtisad Universitetinin (UNEC) Türk Dünyası İşlətmə fakültəsində elmi seminar keçirilib.
Seminarda “İqtisadiyyat və işlətmə” kafedrasının müəllimi Mətanət Məmmədova “Xidmət sferasında təşviqetmə fəaliyyətləri və səciyyəvi xüsusiyyətləri” mövzusunda çıxış edib. Məruzəçi son dövrlərdə iqtisadiyyatda xidmətlərin rolunun əhəmiyyətli dərəcədə artmasını, bunun xidmətlər sferasında yeni fəaliyyət növlərinin yaranmasına səbəb olan elmi-texniki tərəqqi ilə bağlı olduğunu bildirib. Marketinqdə təşviqetmə fəaliyyətlərindən bəhs edən M.Məmmədova müasir dövrdə xidmət sferasında marketinq strategiyaları, marketinq konsepsiyalarının qruplaşdırılması, təşviqetmə fəaliyyətlərinin səciyyəvi xüsusiyyətləri haqqında ətraflı məlumat verib.
Sonda məruzəçi sualları cavablandırıb.