UNEC-in bütün fakültələrində “Mentor-Müəllim Sistemi” tətbiq edilir.
Artıq təhsilin bakalavr pilləsində bütün qrupların mentorları müəyyən edilib və onlar öz fəaliyyətlərinə başlayıblar. “Mentor-Müəllim Sistemi” nin Magistratura Mərkəzi, UNEC Biznes Məktəbi və Beynəlxalq Magistratura və Doktorantura Mərkəzində də tətbiq edilməsi istiqamətində işlər görülür.
“Mentor-Müəllim Sistemi” üzrə Qaydaları təmin edirik:
- Tələbənin akademik və sosial sahədəki inkişafını izləyir, uğurlarını artırır;
- Tələbənin davamiyyətini diqqərdə saxlayır;
- Dərs zamanı tələbənin əldə etdiyi nəticələri nəzarətdə saxlayır, lazımi anda müdaxilə edir;
- Tələbənin şəxsi keyfiyyətlərinin formalaşmasını və özünü dəyərləndirmə bacarığını inkişaf etdirir;
- İmtahana hazırlıq mərhələsində tələbəyə sistemli çalışma, vaxtın idarə edilməsi, stress menecment, psixoloji dayanıqlıq kimi istiqamətlərdə tövsiyələr verir;
- Tələbənin inkişaf potensialını müəyyən edir və bacarığını dəyərləndirməyə köməklik göstərir.
- Tələbənin universitet ilə bağlılığını qoruyur, sosial məsuliyyətliliyini artırır;
- Tələbənin karyera qurması və əmək bazarının tələblərini öyrənməsi istiqamətində tövsiyələr verir;
- Təhsil aldığı istiqamət üzrə təcrübənin artırılması üçün tələbəyə məsləhətlər verir;
- Tələbənin şəxsi problemləri ilə yaxından maraqlanır, lazımi dəstəyi göstərir;
- Tədris müddətində tələbənin motivasiyasını yüksəltmək üçün maraqlı layihələr həyata keçirir;
- Universitet ilə ailə arasında əlaqələri gündəmdə saxlayır, əməkdaşlığı təmin edir;
- Tələbələrlə mütəmadi olaraq, valideynlərlə ehtiyac olduğu təqdirdə, ayda 1 dəfə görüşür.
1756 1