Oktyabrın 1-də Azərbaycan Dövlət İqtisad Universitetində (UNEC) Distant, qiyabi və əlavə təhsil mərkəzində mühazirə-məşğələ sessiyasının başlanması münasibəti ilə qiyabi təhsil alan I kurslarla görüş keçirilib.
Görüşdə Distant, qiyabi və əlavə təhsil mərkəzinin direktoru Gəray Musayev tələbələri mühazirə-məşğələ sessiyasının başlanması münasibəti ilə təbrik edib, UNEC haqqında ətraflı məlumat verib. Qiyabi təhsildə ilk dəfə kredit sisteminə keçilməsindən danışaraq, dərslərin iki semestrə bölünməsi, semestr balının hesablanması, kollokviumlarvə yay məktəbinin təşkili barədə danışıb.
Sonda tələbələrin kredit sistemi ilə bağlı çoxsaylı sualları cavablandırılıb.
Qeyd edək ki, UNEC-də 2015/2016-cı tədris ilində I kursda 364 tələbə qiyabi təhsil alacaq.