UNEC Gənc Müəllimlər Şurasının ilk elmi seminarı

12 MART 2018 | OXUNUB:
1129

UNEC Gənc Müəllimlər Şurasının ilk elmi seminarı keçirilib.

UNEC Gənc Müəllimlər Şurasının İdarə Heyətinin sədri, Distant Qiyabi və Əlavə Təhsil Mərkəzinin direktoru Səbuhi Tanrıverdiyev şuranın üzvlərinin iştirakı ilə hər ay müxtəlif mövzuda elmi seminarların keçiriləcəyini bildirib.

İlk seminarda “Humanitar fənlər” kafedrasının müəlliməsi Cəmilə Həsənova “Azərbaycanda ibtidai icma quruluşu” mövzusunda məruzə ilə çıxış edib. Məruzədən sonra gənc müəllimlər Azərbaycanın zəngin tarixi-mədəni irsi, şərq və qərb memarlıq üslubunda tikililəri, yeraltı və yerüstü sərvətləri barədə fikir mübadiləsi aparıblar, bu faktorların ölkəmizə səfər edən xarici turistlərin sayının artmasında böyük rol oynadığını vurğulayıblar.

1130 1