UNEC-in Türk Dünyası İşlətmə fakultəsində Elmi Seminar keçirilib

19.04.2016-cı il  tarixində UNEC-in Türk Dünyası İşlətmə fakultəsində Elmi Seminar keçirilib. Elmi seminarda “İqtisadiyyat və işlətmə ” kafedrasının müəllimi Araz Aslanlı «Azərbaycan Xarici Siyasətində Qarabağ Problemi» başlıqlı məruzə ilə çıxış edib. 

Araz Aslanlı məruzəsində dünya gündəmini və ölkəmizi ən çox məşğul edən, qısaca “Qarabağ problemi” kimi adlandırılan Azərbaycan ərazilərinin Ermənistan tərəfindən işğalı problemi olduğunu bildirdi. Problemin hələ də həll edilməmiş vəziyyətdə qalması, hər bir dövlət üçün ən vacib məsələ olan ərazi bütövlüyünün təmininin ölkəmiz üçün hələ də problem kimi davam etməsi deməkdir. Uzun müddətdir ki, problemin həlli üçün səylərin olduğunu, amma bu səylərin hələ də ciddi nəticə vermədiyini, bunun səbəbləri arasında bir yandan Ermənistanın qeyri-kostruktiv mövqeyi, digər tərəfdən beynəlxalq aləmin mövzuya reaksiyasının lazımi səviyyədə olmaması, vasitəçilərin çox vaxt obyektivlikdən uzaq mövqe nümayiş etdirmələri və s. kimi amillərin olduğunu qeyd etdi.

Sonra iştirakçılar məruzəyə rəy bildirdilər.

Fakultənin Dekanı Doç.Dr. Ferruh Tuzcuoğlunun çıxışında Qarabağ məsləsinin 1980-ci illərin ikinci yarısında ortaya çıxmasına baxmayaraq, problemin köklərinin daha dərində olduğunu, xüsusilə 18-ci əsrdən etibarən Qafqazın bölüşdürülməsi uğrunda mübarizə və böyük güclərin strateji hədəfləri səbəbi ilə, köçlər də daxil olmaqla bölgədə gedən proseslər problemin ilk təməllərini meydana gətirdiyini bildirdi. O bu problemin tezliklə həll olunmasını, Azərbaycanın ərazi bütövlüyünün bərpa olunmasının gərəkliliyini vurğuladı.

«İqtisadiyyat və İşlətmə» kafedrasının müəllimi dos.Qadir Bayramlı illərdir xaricdə güclü lobbiyə malik olan, bununla yanaşı bəzi güclü xarici dövlətlərin strateji maraqları naminə dəstəklənən Erməni tərəfinin öz mövqeyini yalançı faktlarla da olsa dünyaya daha yüksək səviyyədə çatdırmağa çalışdığının müşahidə ediliyini və bunların dövlətimizin problemin ədalətli həlli istiqamətindəki səylərinə maneələr yaratdığını ifadə etdi. O bu istiqamətdə ciddi adımların atılmasına dair lazımı tədbirlərin görülməsini təklif etdi.

aslanРисунок1 Рисунок2 Рисунок31

459 1