UNEC tələbələri üçün fərqli gün

22 NOYABR 2017 | OXUNUB:
669

UNEC tələbələrinin asudə vaxtlarının səmərəli keçirilməsi istiqamətində tədbirlər davam edir.

UNEC-in “Əlilliyi olan tələbələr üçün Mərkəzi”nin təşkil etdiyi növbəti görüşdə tələbələrlə birgə əməkdaşlar da iştirak ediblər. Görüş zamanı tələbələr xüsusi istedadları, hobbiləri, yaradıcılıq planları barədə fikirlərini bölüşüblər. Eyni zamanda özünüikişaf təlimlərində iştirak etmək istədiklərini bildiriblər.

UNEC-in V kursunda qiyabi təhsil alan Orxan Adıgözəl yeni çap edilən hekayəsi və “ƏSA” teatrındakı fəaliyyəti,  oynadığı rollar barədə danışıb. Sonra Texnologiya və Dizayn fakültəsinin I kurs tələbəsi, “UNEC Gənc şair” layihəsinin iştirakçısı Sərxan Cəfərov şeirlərini səsləndirib. Mühasibat uçotu və audit ixtisası üzrə qiyabi təhsil alan III kurs tələbəsi Zahid Əliyev isə kiber idman növü üzrə çempionatdakı uğurlarını bölüşüb. İqtisadiyyat fakültəsinin ictimai və sosial tədbirlərdə fəal iştirak edən IV kurs tələbəsi Amin Hüseynov, biznesin idarəedilməsi ixtisası üzrə qiyabi təhsil alan I kurs tələbəsi Amin Fərəczadə qarşıya qoyduqları hədəflər barədə danışıblar.

Maraqlı və səmimi ortamda keçən görüşdə müxtəlif mövzularda aparılan fikir mübadiləsindən sonra tələbə və əməkdaşlar birlikdə film izləyiblər.

670 2