UNEC tələbələrindən ümummilli liderin 97-ci ildönümünə töhfələr: konsert, yarışma, videoçarx

10 MAY 2020 | OXUNUB:
34

Azərbaycan Dövlət İqtisad Universitetinin (UNEC) tələbələri ümummilli lider in anadan olmasının 97-ci ildönümünü silsilə tədbirlərlə qeyd edirlər.

Mayın 10-da UNEC Yaradıcılıq Mərkəzinin təşkilatçılığı ilə universitetin istedadlı tələbələrinin ifasında “Ümummilli liderin sevdiyi şeir və mahnılar çələngi” adlı canlı konsert proqramı olacaq. Konsert proqramı saat 17:00-da UNEC-in rəsmi Facebook sosial şəbəkəsində canlı yayımlanacaq. Tələbələr ulu öndərin sevdiyi musiqiləri ifa edəcəklər, şeirləri səsləndirəcəklər.

Ulu öndərin doğum günü münasibətilə tələbələr arasında onlayn şahmat turniri də keçiriləcək. Yarışmanın nəticələri və qaliblər haqqında məlumat UNEC News-da və universitetin sosial şəbəkələrində paylaşılacaq.

UNEC tələbələri ümummilli liderin əziz xatirəsinə həsr olunan videoçarx da hazırlayıblar. UNEC THİK-in ümummilli lider Heydər Əliyevin 97-ci ildönümünə həsr etdiyi videoçarxda tələbələr dahi şəxsiyyətin ölkəmiz və xalqımız qarşısındakı əvəzsiz xidmətlərindən söz açıblar, ulu öndərin əziz xatirəsini dərin ehtiramla yad ediblər.

http://news.unec.edu.az/xeber/105-telebe/6406-bold-red-unec-telebelerinden-umummilli-liderin-97-ci-ildonumune-tohfeler-konsert-yarishma-videocharx-bold-red

35 1