Azərbaycan Dövlət İqtisad Universitetinə qəbul olan abituriyentlərin nəzərinə!
Azərbaycan Dövlət İqtisad Univerisitetinə (UNEC) qəbul olan bütün abituriyentləri səmimi qəlbdən təbrik edir, təhsillərində müvəffəqiyyətlər arzu edirik!
Dövlət sifarişi və ödənişli əsaslarla qəbul olan abituriyentlər qeydiyyat üçün aşağıdakı sənədləri təqdim etməlidilər:
- Attestatın əsli;
- Şəxsiyyət vəsiqəsinin surəti – 3 ədəd;
- İlkin hərbi qeydiyyata alınma haqqında vəsiqənin surəti- 2 ədəd;
- Fotoşəkil (ağ fonda) 3×4 ölçüdə – 5 ədəd;
- Əmək kitabçasının surəti (işləyənlər üçün)
Qeyd: Ödənişli əsaslarla qəbul olan abituriyentlər qeydiyyatdan keçərkən I kurs üçün nəzərdə tutulan təhsil haqqını tam ödəməlidir.
Ödənişli əsaslarla təhsil alacaq abituriyentlərin nəzərinə! Qəbul olduğunuz ixtisasın kodunu bilməklə şəxsiyyət vəsiqəsi ilə 108 saylı otaqda (2 saylı tədris binası) qeydiyyata alındıqdan sonra, təhsil haqqını istənilən bankda və ya poçt şöbələrində ödədikdən sonra sənədlər internet qeydiyyatından keçməklə universitetə təhvil verilməlidir.
Sənədlər avqust ayının 15-dən 25-dək (şənbə və bazar günləri istisna olmaqla) hər gün saat 10:00-dan 18:00-dək qəbul olunur.
Qeydiyyat Azərbaycan Dövlət İqtisad Univerisitetinin 2 saylı tədris binasında (Həsən Əliyev, 135, Gənclik və Nəriman Nərimanov metrostansiyalarının yaxınlığında) təşkil olunur. (ünvanı xəritədə göstər)
Müəyyən olunmuş müddətdə qeydiyyatdan keçməmək abituriyentin müvafiq ixtisasa yerləşdirilmədən imtina etməsi kimi qiymətləndiriləcək və onun qəbul haqqında əmri TQDK tərəfindən ali məktəbə göndərilməyəcək.
