UNEC müəllimi xarici universitetdə mühazirə oxuyub
12 OKTYABR 2016 | VIEWS:
Azərbaycan Dövlət İqtisad Universitetinin (UNEC) “Ətraf mühitin mühafizəsi və iqtisadiyyatı” kafedrasının dosenti Rauf Quliyev Astanada keçirilən “Qazaxıstanın turizm industriyası: müasir vəziyyət və inkişaf tendensiyaları” adlı II Beynəlxalq elmi-praktik konfransda iştirak edib. R.Quliyev həmçinin Qazaxıstan İqtisadiyyat, Maliyyə və Beynəlxalq Ticarət Universitetinin tələbələrinə mühazirə oxuyub.
UNEC müəllimi Azərbaycanın coğrafi şəraiti və turizm potensialı, turizmin yeni növləri, o cümlədən ekoloji, elmi və tədris turizminin inkişaf perspektivləri haqqında geniş məlumat verib. Bu turizm istiqamətlərinin Qazaxıstanda inkişafına dair təkliflər irəli sürüb. R.Quliyevin mühazirələri və konfransda çıxışları tələbələrdə böyük maraq doğurub.