ADİU məzunları ilə görüş
Mayın 1-də Azərbaycan Dövlət İqtisad Universitetinin (ADİU) Kommersiya fakültəsinin məzunları ilə görüş keçirilib. Görüşdə fakültənin professor, müəllim və tələbə heyəti iştirak edib.
Fakültə dekanı Mirağa Əhmədov ADİU rəhbərliyinin “Məzun assosiasiyası”nın yaradılması haqqında müvafiq göstəriş verdiyini bildirib. ADİU-da son bir ildə aparılan innovativ yeniliklərdən danışan dekan, yeni layihələrin işlənməsi, biznes inkubatorların yaradılmasından söz açıb. M.Əhmədov ADİU məzunlarının gələcəkdə fakültə həyatında yaxından iştirak edərək,bu ali təhsil ocağında keçirilən layihələrə dəstək olmalarından, tələbələrin gələcəkdə təcrübə keçmələrində mümkün şəraitin yaradılmasından danışdı.
Məzunlar görüşü yüksək qiymətləndirərək, mütəmadi ADİU-ya öz sahələrində əllərindən gələn köməyi əsirgəməyəcəklərini bildiriblər. Sonda məzunlar elektron kitabxana və idman zalı ilə tanış olublar.