UNEC tələbələri “Mən PAŞA Bank Təqaüdçüsüyəm” layihəsinin qalibi olub
Azərbaycan Tələbə Gənclər Təşkilatları İttifaqı və “PAŞA Bank”ın birgə həyata keçirdiyi “Mən PAŞA Bank təqaüdçüsüyəm” layihəsinin qaliblərinin adları açıqlanıb. Qaliblər arasında Azərbaycan Dövlət İqtisad Universitetinin (UNEC) tələbələri də var.
“PAŞA Bank”ın xüsusi təqaüdünə layiq görülən UNEC tələbələrini təqdim edirik:
- Arzu Həsənli – SABAH Qrupları
- Faiq Xasayev – Beynəlxalq İqtisadiyyat Məktəbi
- Səmra Kərimli – SABAH Qrupları
Qalibləri təyin etmək üçün öncə müraciət edən tələbələrin anket formasında qeyd etdikləri motivasiyaya diqqət yetirilib. Motivasiya hissəsini kifayət qədər dolğun yazan tələblərin esselərinə baxılaraq, plagiyarizmdən keçirilib və onlar müsahibəyə dəvət ediliblər. Qalib tələbələr 1 il müddətində hər ay 100 AZN məbləğində təqaüd alacaqlar.
Qeyd: Təqaüd proqramının həyata keçirilməsində məqsəd yerli və ali təhsil müəssisələrində təhsil alan istedadlı və ictimai fəal tələbələri həvəsləndirmək, eləcə də, dövlət və qeyri-dövlət sektorları üçün güclü insan resurslarını təmin etmək və gələcək lider rəhbərlərin inkişafını möhkəmləndirməkdir. Layihədə yalnız Azərbaycan ali təhsil müəssisələrinin əyani şöbələrində, iqtisad yönümlü ixtisaslar (iqtisadiyyat, maliyyə, biznesin idarə edilməsi və s.) üzrə təhsil alan bakalavr pilləsinin III və IV kurs tələbələri iştirak edə bilərlər.