Azərbaycan Silahlı Qüvvələri – Milli Ordu quruculuğu
UNEC-in Zaqatala filialında “Azərbaycan Silahlı Qüvvələri – Milli Ordu quruculuğu” mövzusunda elmi-praktik konfrans keçirilib.
UNEC Zaqatala filialının direktoru, professor Orucəli Rzayev bildirib ki, Ulu öndər Heydər Əliyev hakimiyyətdə olduğu dövrdə ordu quruculuğunu, silahlı qüvvələrin təkmilləşdirilməsini və maddi-texniki bazasının gücləndirilməsini, milli hərbi kadrların hazırlanmasını daim diqqətdə saxlayıb. Azərbaycan Prezidenti, Ali Baş Komandan İlham Əliyevin həyata keçirdiyi tədbirlər sayəsində Silahlı Qüvvələr modernləşdirilib və bölgənin ən güclü ordusuna çevrilib. Bu gün Azərbaycan ordusu Ali Baş Komandanın əmri ilə ölkəmizin ərazi bütövlüyünü bərpa etmək qüdrətinə malikdir. Filialın müəllimi Müslüm Əliyev “Azərbaycan Silahlı Qüvvələri – milli ordu quruculuğu” adlı məruzə ilə çıxış edib.
Tədbirdə Azərbaycan Silahlı Qüvvələrinə həsr olunan film nümayiş olunub.
*
