Beynəlxalq ticarət sahəsində dünyanın aparıcı mütəxəssislərdən biri sayılan Tomas Metyu fevralın 18-də ADİU-nun əsas tədris binasında “Beynəlxalq Ticarət Sistemi – Tariflər və Ticarət üzrə Baş Sazişdən Ümumdünya Ticarət Təşkilatının (ÜTT) Bali Nazirlər Konfransınadək” mövzusunda mühazirə ilə çıxış edib. Mühazirədə beynəlxalq ticarətin tənzimlənmsəndə ÜTT-nin rolu, sözügedən təşkilat çərçivəsində aparılan ticarət danışıqlarının vəziyyəti və Bali Nazirlər Konfransında əldə olunan nəticələr barədə ətraflı məlumat verilib.
Həmin gün T.Metyu ADİU-nun II tədris binasında “UNCTAD-ın fəaliyyət istiqamətləri və beynəlxalq ticarətin tənzimlənməsində rolu” mövzusunda növbəti mühazirə ilə çıxış edib. O, BMT-nin ixtisaslaşdırılmış qurumu olan UNCTAD tərəfindən inkişaf etməkdə olan ölkələrə göstərilən ekspert dəstəyi, universitetlərin professor-müəllim və tələbələri üçün faydalı olan tədris və tədqiqat imkanları haqqında danışıb.
Mühazirələrdə ADİU-nun professor-müəllim heyəti, tələbə, magistr və doktorantları, eləcə də BİM fakultəsinin nəzdində fəaliyyət göstərən Tələbə Araşdırma Mərkəzinin üzvləri aktiv iştirak edib.
Mühazirələr zamanı UNCTAD eksperti iştirakçıların çoxsaylı suallarını cavablandırılıb.