i.f.d., dos. Səfərov Rəşad Akif oğlu
29 avqust 1978-ci ildə Nax.MR Şərur rayon Tumaslı kəndində anadan olmuşdur.
1985-1995-ci illərdə Şərur rayon Tumaslı kənd orta məktəbində təhsil almışdır.
1995-ci ildə Azərbaycan Dövlət İqtisad İnstitutuna daxil olmuşdur.
1999-cu ildə İqtisad Universitetini “Biznes üzrə menecment” ixtisası uzrə bakalavr, 2001-ci ildə isə “İstehsal sistemlərinin idarəedilməsi” ixtisası üzrə magistr təhsil pilləsini fərqlənmə diplomu ilə bitirmişdir.
Həmin ildə Azərbaycan Dövlət İqtisad Universitetinin 08.00.05 – “Xalq təsərrüfatının iqtisadiyyatı və idarə edilməsi” (makroiqtisadi səviyyə) ixtisası üzrə aspiranturasına qəbul olmuşdur.
2007-ci ilin dekabrında AMEA-nın Naxçıvan bölməsinin nəzdində yaradılmış B/N 01.211 Dissertasiya Şurasının iclasında elmi işini müdafiə etmişdir. Ali Attestasiya Komissiyasının 19 may 2009-cu il tarixli protokol N 19-k qərarı ilə iqtisad elmləri namizədi alimlik dərəcəsi (elmlər namizədi diplomu EN N 05759) almışdır.
*
16 aprel 2014-cü il tarixli protokol N 11-k qərarı ilə “Menecment, dövlət və bələdiyyə idarəetməsi” kafedrası üzrə dosent elmi adı almışdır (dosent diplomu DS 04594).
2011-ci ildən Azərbaycan Dövlət İqtisad Universitetinin “Menecment” kafedrasının Elmlər doktoru proqramı üzrə doktorantıdır.
2002-ci ildən isə Azərbaycan Dövlət İqisad Universitetinin “Menecment” kafedrasının müqavilə əsasında müəllimi, 2014-cü ildən 0,5 ştat dosenti olub.
2010-cu ildən Azərbaycan Əmək və Sosial Münasibətlər Akademiyasının “Menecment, dövlət və bələdiyyə idarəetməsi” kafedrasında 0,5 ştat baş müəllim, 2014-cü ildən dosent vəzifəsində çalışıb.
Hazırda UNEC-in “İctimai idarəetmə və sosial innovasiyalar” kafedrasının dosentidir.
YAP Səbail rayon Gənclər Təşkilatının sədr müavinidir.
04 fevral 2013-cü ildə Azərbaycan Respublikası Prezidenti cənab İlham Əliyevin sərəncamı ilə “Tərəqqi” medalı ilə təltif edilmişdir.