UNEC-in Zaqatala filialının direktoru, UNEC-in Rəqəmsallaşma üzrə prorektoru dos. Qasımov Raqif Xanbala oğlu
raqif.qasimov@unec.edu.az
1983-cü il avqust ayının 11-də Bakı şəhərində anadan olmuşdur. 2000-ci ildə Binəqədi rayonu 246 saylı məktəb-litseyi bitirib və həmin il Nazirlər Kabineti nəznində Xalq Təsərrüfatı İdarəetmə İnstitutuna daxil olmuşdur. Adı keçən İnstitutun 2002-ci ildə Azərbaycan Dövlət İqtisad Universitetinə birləşdirilməsi ilə əlaqədar olaraq 2004-cü ildə Azərbaycan Dövlət İqtisad Universitetinin Türk Dünyası İşlətmə Fakültəsinin məzunu olmuşdur.
Daha sonra təhsilini davam etdirərək 2004-ci ilin oktyabr ayından Türkiyə Respublikası Niğde Universitetində “İdarəetmə və Təşkilatlandırma” ixtisası üzrə magistr təhsili almışdır. 2006-cı ildə magistr təhsilini bitirdikdən sonra, Türkiyə Respublikası Sakarya Universitetində “İdarəetme ve Təşkilatlandırma” ixtisası üzrə doktorantura təhsili almağa haqq qazanmışdır. 2011-ci ildə “Azərbaycandakı müəssisələrdə insan resurslarının idarəedilməsi” mövzusundakı doktorluq dissertasiyasını müdafiə edərək iqtisad elmləri üzrə fəlsəfə doktoru ünvanı qazanmışdır.
2008-ci ildən UNEC Türk Dünyası İşlətmə Fakültəsində Tələbə İşləri Departamentində mütəxəssis, idarə heyətinin üzvi vəzifəsində çalışmış, eyni zamanda “İnsan Resurslarının İdarəedilməsi”, “Stratejik İdarəetmə“, “Keyfiyyətin İdarəedilməsi”, “Biznesin İdarəedilməsi” və “Müasir İdarəetmə Nəzəriyyələri” fənnlərini tədris etmişdir. Bir çox yerli və xarici konfransda məruzə ilə çıxış etmiş və 15-dən çox məqaləsi dərc olunmuşdur. 2010-cu ildən Türk Dünyası İşlətmə Fakültəsində Tələbə İşləri Departamentində müdir vəzifəsini icra etmişdir. 2012-ci ildən UNEC-də “Mevlana Programının” koordinatoru, 2014-cü il aprelindən oktyabr 1-nə kimi Magistratura Mərkəzində direktor müavini vəzifəsində çalışmışdır.
1 oktyabr 2014-cü il tarixindən 2021-ci ilin avqustuna kimi Tədrisin Keyfiyyətinin Qiymətləndirilməsi və İdarəedilməsi Mərkəzinin direktoru vəzifəsini yerinə yetirib.
2021-ci ilin avqustunda UNEC-in Rəqəmsallaşma üzrə prorektoru təyin edilib.
2023-cü ildən UNEC-in Zaqatala filialının direktorudur.
i.ü.f.d. R.Qasımov UNEC NEWS-da
“UNEC imtahan” verilişində müzakirə: “Qış imtahan sesssiyası – yeniliklər, dəyişikliklər” (27.12.2017)
UNEC tələbələri beynəlxalq layihələrdə Azərbaycanı layiqincə təmsil edir (21.11.2017)
İmtahanlarla bağlı bütün suallar RadioUNEC-də cavablandırılacaq (26.05.2017)
“UNEC imtahan” verilişində tələbələrin sualları cavablandırılıb (29.12.2016)
UNEC müəlimlərinin dissertasiyaları Siegen universitetinin doktorantlar şurasında müzakirəyə çıxarılıb (15.12.2016)
UNEC regionun iqtisadyönümlü 4-cü universitetidir – VİDEO (11.07.2016)
*
UNEC keyfiyyət təminatında Finlandiya və Estoniya təcrübəsindən faydalanacaq (13.06.2016)
UNEC Milli İnsan Resursları Forumunda təmsil olunub (21.12.2015)
