Kapital Bank ASC Azərbaycan Dövlət İqtisad Universitetinə (UNEC) müasir iqtisadi ədəbiyyatlar hədiyyə edib.
UNEC ilə Kapital Bank ASC arasında imzalanan müqaviləyə əsasən, SABAH Qruplarında yaradılan “İnnovativ bankçılıq” tədris laboratoriyasının kitabxanasına hədiyyə edilən kitablar ABŞ-dan gətirilib və ən son iqtisadi ədəbiyyatlar hesab edilir. Kitablar SABAH Qruplarının bütün ixtisaslarında oxuyan tələbələri üçün nəzərdə tutulub.
Qeyd: UNEC və Kapital Bank ASC arasında əmədaşlıq haqqında müqavilə 10 mart 2016-cı il tarixində imzalanıb. Müqavilənin məqsədi bankın sərəncamında olan potensial üzrə müasir bilik və təcrübənin universitetdə istifadəsinə və universitet müəllimlərinin və tələbələrinin bankın fəaliyyətinə cəlb edilməsinə nail olmaqdır.