Polşanın “Plagiat.pl” şirkəti UNEC-də təlimlərə start verib
Noyabrın 18-də Polşanın tanınmış “Plagiat.pl” şirkəti Azərbaycan Dövlət İqtisad Universitetində (UNEC) təlimlərə star verib.
UNEC-in Doktorantura şöbəsinin müdiri Həmid Həmidov iştirakçılara təlimin məqsədi barədə məlumat verib. Bildirib ki, təhsil nazirinin “Təhsil müəssisələrində hazırlanan tədris vəsaitlərində plagiat halları ilə mübarizənin gücləndirilməsi haqqında” müvafiq əmrində plagiatın qarşısının alınması və tədrisin keyfiyyətinin təkmilləşdirilməsi ilə bağlı tələblər var. Bu məqsədlə UNEC-də ötən tədris ilindən plagiat proqramının tətbiqinə başlanılıb. Yeni tədris ilindən də bu proses davam etdiriləcək. Kafedraların müvafiq əməkdaşları universitetdə təqdim olunan tədris metodiki vəsaitlərin, dissertasiyaların, buraxılış işlərinin antiplagiat sistemi ilə qiymətləndirilməsi barədə məlumatlandırılacaq.
Sonra “Plagiat.pl” şirkətinin nümayəndəsi proqramın işləmə mexanizmi barədə iştirakçılara məlumat verib.
Sonda plagiata qarşı tədbirlər müzakirə olunub və iştirakçıların sualları cavablandırılıb.