Radio UNEC yeni tələbə layihəsilə dinləyicilərinin qonağı olacaq. “UNEC MÜƏLLİM” verilişinin qonaqları universitetin tanınmış professor-müəllim heyəti, o cümlədən, dünyanın aparıcı universitetlərinin məzunları olmuş müəllimlər olacaqlar.
Verilişdə UNEC-də tədrisin keyfiyyətinin yüksəldilməsinə xidmət edən layihələrdən danışılacaq, dəyərli müəllimlər öz təcrübələrini tələbələrlə bölüşəcəklər.
UNEC-in professor-müəllim heyətini daha yaxından tanımaq, onlarla səmimi, qeyri-rəsmi söhbətə qoşulmaq istəyənlər hər həftənin çərşənbə axşamı saat 15:00-da “UNEC MÜƏLLİM” verilişini izləməyi unutmasınlar.
Layihənin müəllifi, eyni zamanda verilişin aparıcı Biznes və menecment fakultəsinin ikinci kurs tələbəsi İlkin Cəlilovdur.