UNEC-in növbəti informasiya turu: “Paşa Həyat Sığorta” ASC

11 NOYABR 2015 | VIEWS:
3343

Azərbaycan Dövlət İqtisad Universitetinin (UNEC) müəllim və tələbələrinin korporativ sektora informasiya turları davam edir.

Noyabrın 11-də universitetin müəllim və tələbələrinin “Paşa Həyat Sığorta” ASC-yə növbəti tanışlıq turu təşkil olunub. Şirkətin rəhbərliyi UNEC nümayəndələrinə şirkətin tarixi və karyera imkanları barədə geniş məlumat verib. Təcrübə proqramları, təlim və seminarları haqqında danışıb. Bildirib ki, UNEC tələbələri şirkətin ödənişsiz təlimlərində iştirak edə və təcrübə proqramlarından yararlana bilərlər.

Daha sonra nümayəndə heyəti sığorta sistemi ilə tanış olublar, şirkətin mühasibatlıq, daxili audit, marketinq şöbələrinin mütəxəssisləri ilə görüşüblər.

Tədbirin sonunda müəllim və tələbələri maraqlandıran suallar cavablandırılıb və şirkətin xüsusi hədiyyələri təqdim edilib.

UNEC-də analoji turların təşkili tədris ilinin sonuna kimi davam etdiriləcək. Bu müddət ərzində müəllim-tələbə heyətinə digər nüfuzlu şirkətlərlə yaxından tanış olmaq imkanı yaradılacaq.

3344 1