UNEC “Cross-Cultural Club”ın (“Beynəlxalq mədəniyyət klubu”) Əsasnaməsi
1. Ümumi müddəalar
1.1. UNEC “Cross-Cultural Club” (“Beynəlxalq mədəniyyət klubu”) UNEC-in sosial-mədəni və iqtisadi işlərində fəal iştirak edən ali təhsil pilləsinin bakalavriat, magistratura və doktorantura səviyyələrində təhsil alan yerli və əcnəbi təhsilalanların könüllü ictimai təşkilatıdır.
1.2. Təşkilat UNEC-in Beynəlxalq Əməkdaşlıq Departamentinin nəznindədir və UNEC-in rəhbərliyinə tabedir.
2. UNEC “Cross-Cultural Club”-ın əsas məqsəd və vəzifələri
2.1. UNEC “Cross-Cultural Club”-ın əsas məqsədi təhsilalanlar arasında multikulturalizm mühiti yaratmaq və inkişaf etdirmək, müxtəlif mədəniyyətlərin xüsusiyyətlərini anlatmaq, ümümdünya təfəkkürünü inkişaf etdirmək, dünya xalqları dillərinin öyrənilməsi, təhsilalanların qlobal dünyaya açılması;
2.2. Dünya xalqlarının adət-ənənələrinin və əsas anlayışların öyrənilməsi;
UNEC “Cross-Cultural Club”-ın vəzifələri aşağıdakılardır:
- Əcnəbi və yerli təhsilalanlar arasında dostluq və həmrəylik ruhunun artırılması;
- Əcnəbi təhsilalanlara, Azərbaycanın sosial-mədəni dəyərlərinin mənimsənilməsində köməklik göstərilməsi;
- Müxtəlif səviyyəli tədbirlərin – seminar, dəyirmi masalar və konfransların, müsabiqələrin, müxtəlif sahələr üzrə olimpiadaların, diskussiya klublarının və s. tədbirlərin təşkili və keçirilməsində təhsilalanların iştirakının təmin edilməsi.
3. UNEC “Cross-Cultural Club”-ın strukturu
- UNEC-də təhsil alan bütün tələbələr UNEC “Cross-Cultural Club”-ın üzvü ola bilərlər;
- UNEC “Cross-Cultural Club”-ın strukturuna aşağıdakılar daxildir:
- UNEC “Cross-Cultural Club”-ın nəzdində 8 nəfərdən ibarət daimi heyət fəaliyyət göstərəcək;
- UNEC “Cross-Cultural Club”-ın heyəti bütün fakültə və bölmələr üzrə fəal tələbələrdən seçilir;
- UNEC “Cross-Cultural Club”-ın sədri UNEC-in fəal və təşəbbüskar təhsilalanları arasından Beynəılxalq Əməkdaşlıq Departamentinin rəhbərliyi tərəfindən seçilir;
4. UNEC “Cross-Cultural Club”-ın işinin təşkili
- Hər tədris ilinin əvvəlində UNEC “Cross-Cultural Club”-ın üzvləri ilin ilk iclasına toplanırlar. İclasda UNEC “Cross-Cultural Club”-ın tədris ili üzrə Tədbirlər planı hazırlanır. Tədbirlər Planı heyətin sadə səs çoxluğu ilə gəbul olunur;
- Qəbul olunmuş Planda nəzərdə tutulmuş tədbirlər il əzrində həyata keçirilir;
4.3. UNEC “Cross-Cultural Club”-ın sədri qərarların yerinə yetirilməsini təşkil edir və onlara nəzarəti həyata keçirir, eləcə də Beynəlxalq Əməkdaşlıq Departamenti qarşısında fəaliyyəti haqqında hesabat verir.