Azərbaycan Dövlət
İqtİsad Unİversİtetİ

UNEC-in idman həyatı

Universitetin tələbələri voleybol, şahmat, futbol, basketbol, həndbol, yüngül atletika, stolüstü tennis, güləş və digər idman növləri üzrə bölmələrə müraciət edərək beynəlxalq dərəcəli idman ustaları tərəfindən aparılan məşqlərdə iştirak edirlər. Universitetdə idmana marağı daha da stimullaşdırmaq üçün hər il mütəmadi qaydada həm tələbələr, həm də universitet əməkdaşları arasında müxtəlif idman növləri üzrə yarışlar, turnirlər keçirilir. Qaliblər mükafatlandırılmaqla yanaşı, ali təhsil ocağımızı ümumrespublika və beynəlxalq yarışlarda təmsil etmək hüququ qazanırlar.

Universitetdə idmana olan diqqət və qayğının nəticəsi özünü ali təhsil ocağının idman sahəsində ilbəil artmaqda olan uğurlarında büruzə verir. Belə ki, UNEC-in mini-futbol üzrə komandası respublika universiadalarının qalibi, eləcə də Milli Qəhrəman Mübariz İbrahimov adına keçirilən turnirin ilk qalibi olmuşdur. Universitetin tələbələri və məzunları arasında dünya və Avropa çempionları, beynəlxalq idman ictimaiyyəti tərəfindən tanınmış idmançılarımız da çoxdur.

Onların sırasında yunan-roma güləşi üzrə dəfələrlə Azərbaycan və Olimpiya çempionu olmuş Fərid Mansurovu, cüdo üzrə Avropa çempionu olmuş və Dünya kubokunda 3-cü yer tutmuş Elmar Qasımovu, Azərbaycanın gənclərdən ibarət qadın voleybolu üzrə milli yığmasının üzvləri İndira Abdullayeva və Firuzə Dürüstkarini, cüdo üzrə dəfələrlə universiadaların qalibi, respublika çempionu olmuş Qabil Qurbanovu, İlqar Ağarəhimovu, Nadir Məmmədlini, Kənan Nağıyevi, Avropa və respublika çempionu, dünya birinciliyinin gümüş mükafatçısı Rafiq Hüseynovu, şahmat üzrə beynəlxalq qrossmeysterlər, dünya şahmat reytinqinin gənc favoritləri hesab edilən Şəhriyar Məmmədyarovu, Eltac Səfərlini və başqalarını göstərmək olar.

UNEC-in tələbələri bir sıra Beynəlxalq yarışların qalibi ol­muşlar: Şəhriyar Məmmədyarov 2010-cu ildə Moskvada keçiri­lən “Tal Memo­rial”ının, Eltac Səfərli Sankt-Peter­burqda keçirilən “Çiqorin Memorial 2010” turnirinin, Fidan Ağasıyeva Turkiyədə keçiri­lən Türkdilli ölkələrin ali məktəbləri arasında Şahmat Olimpiadasının qalibi olmuşlar.

UNEC-in Şahmat klubu perspektivə bir sıra tədbirlər planı hazır­layıb. Şahmat klubunda gündəlik məşğələlər keçirilir. Klubun Tədbirlər Planına həftəlik yarışlar və Grossmeysterlərin eynizamanlı oyun sean­s­la­rının keçirilməsi də daxildir. Şahmat klubunun Tədbirlər Planının hazır­lan­ması və həyata keçirilməsi klubun rəhbəri,  Beynəlxalq usta Cahangir Ağarəhimov tərəfindən aparilır.

 Mustafayev Mahmud Nəccar oğlu -İdman klubunun müdiri 

UNEC-də futbol çempionatı başa çatıb (29.12.2015)
“İqtisadçı” futbol komandası II oldu (10.12.2015)
UNEC tələbəsi: “Bu döyüşü qazansam, dünya çempionatına lisenziya qazanmış oluram” (03.12.2015)
UNEC tələbəsi dünya çempionu olub (26.11.2015)
UNEC tələbələri “Səmti müəyyən etmə” idman növü üzrə Fəxri Fərmanla təltif olunublar (11.11.2015)
Dağçılıq idman növü UNEC tələbələrinin marağına səbəb olub (05.11.2015)
“UNEC TGT CUP 2015” futbol turnirinin püşkatma mərasimi keçirilib (30.10.2015)

UNEC İDMAN KLUBU