tex.e.n. dos. Fərzəliyev Elsevər Baba oğlu
27 noyabr 1960-cı ildə Quba rayonunun Amsar kəndində doğulub.
1985-ci ildə Azərbaycan Texnologiya İnstitutunun Qida məhsullarının texnologiyası fakültəsini – Konservləşdirmə texnologiyası ixtisası üzrə fərqlənmə diplomu ilə bitirmişdir. İxtisasca mühəndis-texnoloqdur.
1985-ci ilin dekabrında Azərbaycan Bağçılıq və Subtropik Bitkilər üzrə Elm-İstehsalat Birliyində (Az. B və SB üzrə EİB) istehsalatdan ayrılmaqla aspiranturaya daxil olmuş, 1986-cı ilin iyun ayında M.V.Lomonosov adına Odessa Qida Sənaye Texnologiyası İnstitutunun (indiki Odessa Qida Texnologiyaları Milli Akademiyası) istehsalatdan ayrılmaqla məqsədli aspiranturasına köçürülmüşdür.
1988-ci ildə namizədlik dissertasiyasını basa çatdırmış, 1989-cu ilin iyin ayında müvəffəqiyyətlə müdafiə edib, texnika elmləri namizədi elmi adına layiq görülmüşdür
1989-cu ilin mart ayından Azərbaycan Bağçılıq və Subtropik Bitkilər üzrə Elm-İstehsalat Birliyində kiçik elmi işçi, elmi işçi vəzifələrində çalışmışdır.
1990-cı ilin avqustunda gənc mütəxəssis kimi Azərbaycan Texnologiya İnstitutuna dəvət olunmuş və laboratoriya müdiri vəzifəsində çalışmışdır.
1993-cü ildən Bakı Dövlət Əmtəəşünaslıq-Kommersiya İnstitutunda əvvəlcə laboratoriya müdiri, sonra assistent, müəllim, baş müəllim və dosent vəzifələrində çalışmışdır.
*
2000-ci ildən 2020-ci ilə kimi Azərbaycan Dövlət İqtisad Universitetinin “Qida məhsullarının texnologiyası” kafedrasında dosent vəzifəsində çalışıb. Texnologiya və Dizayn fakültəsinin Elmi Şurasının üzvüdür. 2007-2011 ci illərdə fakültə nəzdində yaradılmış Tədris prosesinə nəzarət komissiyasının sədri olmuşdur. Hazırda doktorluq dissertasiyası üzərində çalışır.
Hazırda UNEC-in “Mühəndislik və tətbiqi elmlər” kafedrasının dosentidir.
2009-cu ildə Beynəlxalq Standartlar Təşkilatının (İSO) Türkiyədə fəaliyyət göstərən nümayəndəliyi tərəfindən 22000:2005 – “Qida Təhlükəsizliyi İdarəetmə Sistemi” və 9001 – “Keyfiyyət İdarəetmə Sistemi” üzrə, eləcə də İngiltərədə fəaliyyət göstərən İRCA nümayəndəliyinin GlobalGROUP şirkəti tərəfindən 22000:2005 – “Qida Təhlükəsizliyi İdarəetmə Sistemi” üzrə sertifikatlarla təltif olunmuşdur.
75-dən çox elmi-metodiki əsərin müəllifidir. Onlardan: “Yeyinti məhsullarının ümumi texnologiyası”, “Balıq emalı müəssisələrinin texnoloji layihələndirilməsi” və “Qida məhsullarının müasir tədqiqat üsulları” adlı 3 dərslik, 14 fənn proqramı, 2 metodiki göstəriş və s. Əsərləri Rusiya Federasiyası, Belorus respublikası, Ukrayna və Azərbaycanda, azərbaycan və rus dillərində nəşr olunmuşdur.
