Ulu Öndərə həsr olunan konfranslar tələbələrin elmi potensialını inkişaf etdirir
UNEC-in Əmtəəşünaslıq fakültəsində Ulu Öndər Heydər Əliyevin anadan olmasının 94-cü ildönümünə həsr olunan silsilə tədbirlər keçirilib.
Tələbə Elmi Cəmiyyətinin təşkilatçılığı ilə “İstehlak mallarının istehsalına dair strateji yol xəritəsi istehlak təhlükəsizliyinin əsas meyarı kimi” mövzusunda elmi konfrans keçirilib. “İstehlak mallarının ekspertizası” kafedrasının müdiri, professor Əli Həsənov tələbələrin elmi tədqiqatlara olan marağına hərtərəfli dəstəyin universitetin prioritet istiqamətlərindən biri olduğunu vurğulayıb.
Fakültə dekanı, dosent Tofiq Osmanov Ümummilli Lider Heydər Əliyevin anadan olmasının ildönümünə həsr olunan elmi konfransların artıq ənənənə halını aldığını bildirib. Bu konfransların savadı və yaradıcılığı ilə seçilən tələbələrin aşkar edilməsinə və elmi potensialının reallaşdırılmasına böyük dəstək olduğunu bildirib.
Konfransa qatılan tələbələr maraqlı mövzularla çıxış edib, müasir istehlak bazarında mövcud olan ərzaq və qeyri-ərzaq mallarının ekspertizası, keyfiyyəti, o cümlədən təhlükəsizlik göstəricilərinin qiymətləndirilməsi, sertifikatlaşdırılması və keyfiyyətinin idarə olunması problemlərinə toxunublar.