UNEC-də intellekt yarışı: Maliyyə və mühasibat fakültəsi qalibdir
UNEC-də Ümummilli lider Heydər Əliyevin anadan olmasının 94-cü ildönümü münasibətilə fakültələrarası “Nə? Harada? Nə zaman?” intellektual yarışı keçirilib.
İntellekt yarışı gərgin mübarizə ilə müşayət olunub və qaliblər yalnız sonuncu sualdan sonra müəyyən edilib. Maraqlı intellektual mübahisələrlə yadda qalan yarışın sonunda Maliyyə və mühasibat fakültəsinin komandası I yerə layiq görülüb.
Rus İqtisadiyyat Məktəbi II, İqtisadiyyat fakültəsi isə III yerləri bölüşüblər. Qaliblər kubok və dünya ədəbiyyatı klassiklərinin kitabları ilə mükafatlandırılıblar.
“Nə? Harada? Nə zaman?” intellektual yarışının təşkilatçısı və sual paketini hazırlayan Rus İqtisadiyyat Məktəbinin direktor müavini, “Beynəlxalq münasibətlər” kafedrasının dosenti, “Turan” intellektual oyunlar klubunun üzvü Anar Eyyubovdur.