UNEC-də möhtəşəm Novruz şənliyi keçirilib
UNEC-də Novruz bayramına həsr olunmuş təntənəli tədbir keçirilib.
Xalqımızın milli-mənəvi dəyərlərini, adət-ənənələrini özündə yaşadan Novruz bayramı münasibətilə təşkil olunan şənliyin açılışında çıxış edən tələbələrlə iş üzrə prorektor dosent Səadət Qəndilova universitetin kollektivini təbrik edərək, onlara xoş arzularını çatdırıb.
UNEC Həmkarlar İttifaqı Komitəsi, Tələbə Həmkarlar İttifaqı Komitəsi və Yaradıcılıq Mərkəzinin təşkilatçılığı ilə keçirilən bayram şənliyində universitetin həyətində Novruz atributlarndan ibarət guşələr yaradılıb, Dizayn Məktəbinin tələbələrinin baharın gəlişinə, Novruz adət-ənənələrinə həsr etdikləri rəsm əsərləri nümayiş olunub.
Yaradıcılıq Mərkəzinin vokal, istrumental orkestr, rəqs dərnəklərinin üzvləri olan istedadlı tələbələr bayram əhval-ruhiyyəli musiqi nömrələri ilə iştirakçılara xoş anlar yaşadıb.
Tələbələr Novruzun rəmzi olan bayram tonqalının ətrafında “Yallı” gedərək, birlik nümayiş etdiriblər.
Novruz bayramının məşhur personajları olan kosa ilə keçəlin Novruz səhnəcikləri şənliyinə xüsusi rəng qatıb.
https://news.unec.edu.az/xeber/125-universitet/11362-unec-de-mohteshem-novruz-shenliyi-kechirilib