UNEC-də müzakirə: yaşıl investisiyasının perspektivləri
Yanvarın 29-da Azərbaycan Dövlət İqtisad Universitetində (UNEC) ölkədə yaşıl investisiyasının perspektivlərinə dair elmi seminar keçirilib.
Elmi seminarın məqsədi iqtisadiyyatın maliyyələşdirilməsi və kreditləşdirilməsi sahəsində yaşıllaşdırma zəruriliyini müəyyən etmək və siyasət çərçivəsinin və potensialın gücləndirilməsi üçün müvafiq tədbirlər təklif etməkdir.
UNEC-in professoru Zahid Məmmədov bildirib ki, “Azərbaycan 2020: Gələcəyə baxış” inkişaf konsepsiyası yaşıl iqtisadiyyatın inkişafına geniş imkanlar yaradır. Konsepsiyanın əsas hədəflərindən biri ekoloji cəhətdən dayanıqlı sosial-iqtisadi inkişafa nail olmaqdır. Professor çıxışında vurğulayıb ki, müasir inkişaf dövründə qlobal ekoloji və ictimai problemlərin ön plana keçdiyi bir zamanda post-sovet sistemindən klassik market sisteminə keçid altında olan Azərbaycanın qarşısında duran aktual məsələlərdən biri davamlı inkişaf konsepsiyasina riayət edən rasional siyasətin seçimi və sövq olunması durur.
BP AGT-nin əməkdaşı Günel Hüseynova “Azərbaycan 2020 : Gələcəyə baxış” İnkişaf Konsepsiyası kontekstində yaşıl iqtisadiyyatın gələcək perspektivləri” mövzusunda məruzə ilə çıxış edib. Bildirib ki, qlobal şəkildə, sosial-yönəmli investisiyalara maraq çox yüksəkdir. G.Hüseynovanın məruzəsində qeyd olunub ki, təsvir olunan əsas məsələlər innovativ praktiki alətlərin icrası ilə bağlıdır. Bunlar, yalnız yaşıl müəssisələrin yaradılması təqdimatına məhdud deyil, həm də mövcud sənaye yaşıllaşdırılmasını təşviq edən innovativ mexanizmləri özünə aid edir.
Məruzəçi bu sahədə potensialın gücləndirilməsi və sosial yönümlü inkişaf layihələrinin həyata keçirilməsi üçün mühüm şərtlər olduğunu bildirib. Əlavə edib ki, araşdırma metodologiyası statistik alətləri, eyni zamanda korrelyasiyanın müəyyən edilməsi və inkişaf tərəqqi analizi üçün istifadə olunan keyfiyyət alətlərini daxil edir.