UNEC-də hər ayın ilk şənbə günü təşkil olunan ənənəvi “Açıq qapı”da rektor, professor Ədalət Muradov universitet əməkdaşları, tələbə, valideyn və ictimaiyyət nümayəndələrinin müraciətlərini dinləyib. Müraciətlər əsasən, dərs yükünün bölgüsü, işə qəbul, yeni dissertasiya mövzularının götürülməsi, əmək müqaviləsi müddətinin artırılması və s. barədə olub.
Ə.Muradov 20-dən çox müraciəti dinləyərək, onların operativ həll edilməsi ilə bağlı məsul şəxslərə göstərişlərini verib, bir sıra məsələlər isə yerindəcə həll edilib.
Qeyd: UNEC-də növbəti “Açıq qapı” günü dekabrın 2-də keçiriləcək. UNEC əməkdaşları və tələbələrin qəbulu isə tədris binaları üzrə hər həftənin çərşənbə axşamı saat 13:30-da təşkil olunur.
Qəbulda iştirak etmək istəyənlər qeydiyyat üçün 146-1-3 və ya (012) 492 59 03 nömrələri ilə əlaqə saxlaya bilərlər.