UNEC-in İqtisadiyyat fakültəsində oftalmoloji aksiya keçirilib.

Akademik Zərifə Əliyeva adına Milli Oftalmologiya Mərkəzinin səyyar klinikasının həyata keçirdiyi aksiyada UNEC-in müəllim, tələbə və əməkdaşları iştirak edib. Aksiyanın məqsədi göz xəstəliklərindən əziyyət çəkən insanları müayinə etmək, problemin həlli istiqamətində onlara yardım göstərmək olub. Aksiyada yüksək ixtisaslı tibbi xidmət göstərən oftalmoloqlar səyyar klinikada 200 nəfərə yaxın tələbə və əməkdaşı müayinə edib. Onların səhhətlərində yaranan problemlər müəyyən olunaraq, müalicəsi üçün dəstək göstərilib.

Oftalmoloji aksiya İqtisadiyyat fakültəsinin Valideynlər Şurasının sədri Aidə Bəndəliyevanın təsisçisi olduğu “Gənc Vətəndaş” ictimai birliyinin təşəbbüsü ilə keçirilib.