ACCA-nın nümayəndə heyəti UNEC Beynəlxalq İqtisadiyyat Məktəbində görüşlər keçirib. Mühasibat uçotu fənlərini tədris edən müəllimlərlə görüşdə Beynəlxalq İqtisadiyyat Məktəbinin Mühasibat uçotu proqramının tam akkreditasiyası müzakirə olunub və bu istiqamətdə həyata keçiriləcək işlərin planı təsdiqlənib.
ACCA nümayəndələri imtahan prosedurları, sualların qurulması və onların çətinlik səviyyəsi barədə geniş məlumat veriblər.
ACCA-dan olan qonaqlar Beynəlxalq İqtisadiyyat Məktəbinin Mühasibat uçotu ixtisasında təhsil alan I, II, III kurs tələbələri ilə görüşüblər. Görüşdə tələbələrə ACCA, ACCA diplomları, azadolmalardan istifadə, təqdim olunan endirimlər və qeydiyyat qaydaları haqqnda ətraflı məlumat verilib.