UNEC tələbələri Almaniyada təhsil imkanları ilə tanış olublar
14 APREL 2016 | VIEWS:
Aprelin 14-də Azərbaycan Dövlət İqtisad Universitetinin (UNEC) Tələbə Gənclər Təşkilatının təşkilatçılığı ilə “Almaniyada Təhsil” mövzusunda seminar keçirilib.
Seminarda “Edu-Support” Almaniyada Təhsil Mərkəzinin əməkdaşları Almaniyada ixtisas seçimləri, təqaüd proqramları və yaşayış xərcləri haqqında tələbələrə faydalı məlumatlar verib. Sənədləşmə prosesində hansı sənədlərin lazım olduğu və universitet seçimi barədə danışılıb.
Sonda tələbələri maraqlandıran suallar cavablandırılıb. Tələbələr əsasən Almaniyada yaşayış xərclərini təmin etməklə maraqlanıblar.