UNEC və Montpellier Universiteti arasında gələcək əməkdaşlıq imkanları müzakirə edilib
Fransanın Montpellier Universiteti Avropa Komissiyasının “NİZAMİ” layihəsi “Azərbaycanda doktorantura təhsilinin vahid Avropa ali təhsil məkanının standartlarına uyğunlaşdırılması və strukturlaşdırılması” üzrə koordinatoru Benjamin Lemerle “Erasmus+” mübadilə proqramı çərçivəsində UNEC-də olub.
Görüşün əsas müzakirə mövzusu iki universitet arasında mövcüd və gələcək əməkdaşlıq məsələləri, “NİZAMİ” lahiyəsinin gedişatı olub. Eyni zamanda, doktorantura sahəsində UNEC-də tətbiq edilən yeniliklər barədə Benjamin Lemerleyə məlumat verilib.
Sonra Benjamin Lemerle UNEC-in gənc doktorantları qarşısında “NİZAMİ” layihəsi ilə bağlı təqdimatla çıxış edib. Doktorantura səviyyəsinin Avropa standartlarına uyğunlaşdırılması, o cümlədən beynəlmiləlləşdirilməsinin üstünlüklərindən danışıb.